Sá mér ástæðu til að hringja í Sys og minn fyrrverandi um daginn til að vera viss um að ég væri í raun ekki svoooo seinheppin. Svörin voru í samræmi við íbúðarstöðu mína í dag. Fékk þær frábæru fréttir að það væri búið að finna fyrir mig íbúð sem ég fengi bara sem fyrst, ætti bara eftir að setja gólfefni og svo gæti ég flutt, þetta var kringum 23 nóv. Ég þetta litla hress með stöðu mála. Fékk afhenta lyklana að geymslunni 3. dögum seinna með þeim skilaboðum að það ætti bara eftir að skipta út tveim veggplötum sem yrði gert strax daginn eftir, en mér væri velkomið að flytja dótið mitt bara passa að setja ekki upp við téðan vegg. Ég af gæsku minni ákvað að gefa þeim séns á að skipta út plötunum, án þess að vera á kafi í drasli. Kvöldið eftir leit ég við í geymsluna og bjóst við að geta farið að flytja, lítið vissi ég. Veggurinn var enn á sínum stað en vissulega búið að losa um allar skrúfur þannig að bara átti eftir að kippa plötunum frá og setja nýjar upp. Ég ákvað með svolitlum pirringi að gefa þeim tvo daga enn en þá myndi ég byrja að flytja hvað sem tautaði. Tveim dögum seinna voru plöturnar vissulega komnar á sinn stað og meira að segja búið að mála aðra þeirra, og geymslan FULL af drasli ! Ég hringdi óðara í viðklomandi aðila sem sá um geymslumál og lýsti mínum förum ekki sléttum. Svörin voru að þau sem ættu plássið við hliðina hefðu fengið að setja dótið sitt þarna inn því það þyrfti að laga gólfið í þeirra geymslu !
Það lá við að ég urraði. Svona vinnubrögð tíðkast greinilega á fleiri stöðum en mínu heimili, hlaupið úr einu í annað, og skilið eftir hálfklárað. Urrr. Ég klagaði í félagsmst. þar sem þetta var allt í gegnum þá ágætu stofnun og fékk þær ljómandi góðu fréttir að það hefði verið að losna íbúð hjá þeim sem ég gæti fengið og jafnvel byrjað að flytja inn um helgina (þetta var á föstudegi 30. nóv). Félagsráðgjafinn kom færandi hendi með lyklana og bauð mér að skoða ég gæti þess vegna byrjað að flytja í geymsluna þarna. Ég varð þetta litla kát og lofaði að láta vita daginn eftir hvernig mér litist á og hvort mikið þyrfti að taka í gegn. Húrraði krökkunum út í bíl og mætti á svæðið til að skoða. Við vorum öll hrifin af þessari íbúð og hlökkuðum til að flytja, loksins laus úr þessu rugli. Daginn eftir ákvað ég að bíða (en af gæsku minni) og leyfa Félagsráðgjafanum að sofa út þar sem hún hafði verið á leið í boð kvöldið áður. Um klukkan eitt hringir svo síminn. Vala, ertu búin að skoða? Félagsráðgjafinn virtist eitthvað lasinn. Hah þunn hugsaði ég með mér. En málið var bara það að viðkomandi íbúð sem við skoðuðum og vorum í startholum að flytja í var bara alls ekki á þeirra vegum og Félagsráðgjafinn hafði bara ekkert leyfi til að láta mig hafa lyklana þar sem eigendurnir voru sjálfir að fara að flytja inn. Ég veit ekki hvor var meira miður sín Félagsráðgjafinn eða ég ! Í gær hringdi ég svo til að biðja um að geymslan yrði losuð svo ég gæti flutt inn í hana og var það ekkert mál T.G. Skrapp í gærkveldi og það passaði það var búið að losa geymsluna svo ég hugsaði mér gott til glóðarinnar að vera dugleg daginn eftir. Vaknaði hress með það á tilfinningunni að loksins væri eitthvað að ganga upp hjá mér og fyllti jeppling af kössum. Fyrrverandi kom og hann og dóttir mín rendu með bílinn til að losa hann í geymsluna. Hmm, eins og vanalega, lítið vissi ég. Komu aftur skömmu síðar með jeppling enn fullann af kössum. Það var nýbúið að mála gólfið í geymslunni og yrði ekki hægt að flytja fyrr en í fyrsta lagi eftir sólarhring! Þannig að í dag bíð ég og vona að geta flutt áður en mér verður hent með valdi út úr þeirri íbúð sem ég er í.
E.s Var reyndar eins og mig grunaði, búið að mála ganginn að geymslunum daginn eftir svo enn varð ég að bíða !
. Þarf að fara eftir viðtal og “finna” geymsluna mína, festa tromluna í þvottavélinni og klára að “fiffa” eitt-tvö stykki tölvur. Merkilegir þessir þriðjudagar, það er hægt að finna sér eitthvað að gera annað en BLOGGA !!!! 
.